[CAPTAIN HAMZA CAMERON’S P.O.V.]
Masaya ako na makita muli si Savannah. Natakot din ako na baka may mangyaring hindi maganda sa amin noong sumugod kami sa gitna ng karagatan. Ganito pala ang pakiramdam na may minamahal na sa buhay. Noon kasi ay kahit ilang beses pa akong sumugod sa giyera ay wala akong kinatatakutan. Hindi ako natatakot na masugatan. Hindi ako natatakot na mawala sa mundong ito. Ang iniisip ko dati ay namatay akong lumalaban at pinagtatanggol ang aking sariling bansa.
Ngunit ngayon, habang tumatagal at napapadalas na ang pagkakaroon ng giyera ay nakakaramdam na ako ng takot. Takot na baka mamatay ako. Takot na baka hindi ko na magawang makita at malapitan muli ang taong minamahal ko. Ngayon lang ako nakaramdam ng ganito. Nagkaroon na ako ng kahinaan ngunit kahit papaan
