♥ SEVEN ♥
IRENE
Ako na yata ang pinaka-masamang tao sa mundo. Hindi ko akalaing kaya kong lokohin si Oliver ng gano'n. Sa tuwing naiisip kong sinabi ko iyon sa kanya, parang may bumabara sa lalamunan ko, dahilan para mahirapan akong huminga.
Isinandal ko ang ulo ko sa salaming bintana saka pilit pinunasan ang takas na namang luha. Napaka-iyakin ko talaga lately. Dahil ba ito sa pagbubuntis ko? Siguro. Dahil hindi naman ako ma-dramang tao.
Mula sa bintana ay tanaw ko ang papasikat na araw. Kinuha ko ang unang byahe ng tren mula Wales patungo sa bungad ng Remorse. Walang diretsong byahe patungo sa bayan nina Marifer kaya kailangan pa akong sunduin ng tauhan ni Bjourne sa istasyon pagdating ko roon.
"Malapit na ako..." Mahina kong sabi sa sarili habang pinagmamasdan ang repleksyon sa na
