SANDRYNNE'S POV
Pagkatapos kong magbihis at ayusin ang sarili ko, agad na akong bumaba. Medyo nag-ayos ako ngayon dahil ayokong humarap sa mga magulang ni Harris na mukhang ewan. Pero light make-up lamang naman ini-apply ko.
“Saan ka pupunta?” kunot-noong tanong ni Reb habang pababa ako sa hagdan. Hindi ko namalayang nakasunod pala siya sa akin. “Alam ba nila mommy na aalis ka?” he added.
“Kaya nga magpapaalam, 'di ba?” walang lingon-lingon kong tugon.
“Saan ka nga pupunta?”
Saglit akong tumigil para sulyapan siya, saka ako ngumiti. "Secret."
Muli ko siyang tinalikuran para hagilapin naman si mommy at magpaalam na. Sa living room ko siya naabutan, pinagmamasdan ang mga bagong sabit naming family portrait sa wall.
Bahagya pang kumunot ang noo ko dahil ngayon ko lamang iyon nakita. N
