PITCHIE’s POV
Isang linggo na ang nakalipas simula nang magpunta sa amin si Sandrynne. Kinabukasan, matapos ang araw na iyon ay sa wakas—nilisan na rin ni Jenica ang bahay namin kaya dito na ulit ako nakatira.
Narinig ko kasi ang pinag-usapan nila ni mommy noong gabing matapos ang family dinner namin. Sinabi ni Jenica kay mommy na uuwi na lamang daw siya sa bahay nila at doon na lamang siya mananatili. Kukuha na lang daw siya ng kasambahay para magkaroon ng kasama.
Siguro ay napag-isip-isip niya rin na wala naman talaga siyang aasahan kay kuya. At saka narinig ko rin na sinabi niya kay mommy na masasaktan lang daw siya kung makikita niya si Harris na palaging isasama si Sandrynne sa bahay.
“Ano'ng ginagawa mo rito?” takang tanong ni kuya nang pumasok ako sa kwarto niya nang hindi man
