JENICA'S POV
A few weeks ago...
Pinagmamasdan ko si Harris habang nagtitimpla ako ng kape. Siya naman ay abalang naglalaro ng mobile games habang nakaupo sa mataas na stool sa mini bar counter sa kusina.
Sa totoo lang ay sobrang saya ko at tila nagkaroon akong muli ng pag-asa sa kaniya simula noong pinuntahan niya ako sa bahay noong araw na umatake ang depression ko, to the point na sinaktan ko pati ang sarili ko.
Iyon ang araw na nagpaalam ako sa mommy niya para umuwi sa sarili naming bahay. Sa bahay ni Mommy Deniece—ang kaibigan ni mama na umampon sa akin.
Pagdating ko roon ay sobrang laki na ng pagbabago. Halos wala na ang mga gamit sa loob. Noong araw na iyon ay agad ko siyang tinawagan upang magtanong kung bakit. At doon ko napag-alaman na ibinenta na pala nila ang bahay na iyon
