Jazzmine's POV
Napansin ko si Jenica, pababa ito galing sa rooftop. Ano'ng ginawa n'ya sa taas? Hawak pa nito ang cell phone niya at nakatitig sa screen habang nakangisi.
“Galing ka sa rooftop?” tanong ko, dahilan para mapatigil siya sa gilid ko. “'Di ba bawal pumunta ang mga estudyante ro'n?”
“Ano'ng pakialam mo?” pagtataray nito sa akin. "Hindi lang naman ako ang pumupunta ro'n."
Saglit kong ibinaba ang aking tingin at nahagip ko sa screen niya ang isang larawan na hindi ako sigurado kung sino.
"Ano 'yan?" tanong ko sa kaniya. Mukhang ang larawan kasi na iyon ang dahilan kung bakit siya nakangisi kanina.
Ngumiti siya bigla. “Ebidensya.”
“Ebidensya saan?”
“Wala ka na ro'n.” Agad na niya akong tinalikuran at naglakad palayo.
Ano'ng ebidensya naman kaya ang pinagsasabi ng babaeng '
