SANDRYNNE's POV
Pikit-mata kong dinadama ang banayad na halik ni Harris. Ang lambot ng labi niya, ngunit hindi ko magawang gumanti ng halik dahil natatakot akong baka makagat ko siya dahil sa nararamdaman kong kaba.
Ramdam na ramdam ko kasi ang malakas na pagtahip ng aking dibdib. Tila mas malakas pa 'yon sa sound system sa loob ng sinehan.
"What's wrong?" Napadilat ako nang bigla niyang tigilan ang labi ko. Bahagyang nakakunot ang kaniyang noo at pinagmamasdan ako.
"Huh?" tanging naisagot ko sa kaniya dahil tila nawala ako sa aking sarili. Para akong nalasing sa halik niya kahit na wala naman akong naging ambag doon.
"I'm sorry..." Teka? Bakit siya nagso-sorry? "I...just got carried away." Napalunok ako nang bigla siyang yumuko at parang biglang nahiya sa ginawa niyang paghalik sa ak
