Sandrynne's POV
Dali-dali akong lumabas sa office ko para babain ang sinasabi ni Ate Nam na bisita ko raw at boyfriend ko. Hindi ko alam kung niloloko niya ba ako o ano? Wala naman kasi akong boyfriend.
Pababa ako sa hagdan, nasa kalagitnaan pa lamang ako nang may matanaw akong isang lalaking nakatayo at parang naghihintay talaga sa akin. Ngunit nakatalikod siya sa direksyon ko kaya hindi ko makita ang kaniyang mukha.
Nakasuot siya ng itim na pantalon at kulay lavender na long sleeves. Nakatupi ang magkabilang manggas no’n hanggang sa kaniyang siko at hindi ko talaga mahulaan kung sino ito.
Ilang hakbang pa ang layo ko mula sa kaniya nang dahan-dahan siyang humarap sa akin. At bahagyang napaawang ang bibig ko nang tuluyang lumantad sa akin ang guwapong-guwapo nitong mukha na matagal
