SANDRYNNE’S POV
Medyo tinanghali ako ng gising kaya na-late rin ang pagdating ko sa building. Napasarap kasi kagabi ang pagkukuwentuhan namin ng anak ko.
Umaga sa Los Angeles kagabi noong tinawagan ko siya kaya hindi ko namalayan ang oras. Nalibang ako sa mga kinukuwento niya kaya hindi ako nakaramdam agad ng antok.
Tinatanong niya rin ako kung kailan ako babalik doon dahil nami-miss na niya ako. Gano’n din naman ako, miss na miss ko na rin siya pero ang dami ko pang dapat asikasuhin rito since kailan lang ako dumating.
Noong bago ako bumalik sa Pilipinas ay nakaplano na sana ako na isama siya pauwi, pero ayaw naman niya dahil doon niya raw gustong mag-aral. Mami-miss niya rin daw ang mga classmates niya sa school kung iiwan niya ang mga ito.
At pabor na pabor doon si lola dahil si
