CAMILA POINT OF VIEW
Ang araw ay tila mas tahimik kaysa dati sa flower shop. Ang init ng sikat ng araw na dumadaloy sa salamin ng bintana ay nagbibigay ng malambot na liwanag sa paligid. Abala ako sa pag-aayos ng mga bagong dating na bulaklak—mga rosas, lilies, at sunflowers—nang biglang tumambad si Marcus sa pinto, dala ang isang maliit na bouquet ng tulips.
“Para sa’yo,” sabi niya, iniaabot ang bulaklak na tila ba wala siyang pakialam sa mga tingin ng mga customer sa paligid. “Gusto kong simulan ang araw na ito na may ngiti ka.”
Napangiti ako kahit gusto kong magpigil. “Marcus, mukhang alam mo na hindi mo kailangang bumili ng bulaklak para lang mapasaya ako. Ako mismo ang nagbebenta.”
Ngumiti siya nang mapanukso. “Well, I thought I’d support your business and make you smile at the s
