Camila’s Point of View
Maghapon akong abala sa pag-aayos ng mga bulaklak sa flower shop, pero kahit anong gawin ko, hindi maalis sa isip ko ang nangyari kahapon. Yung pag-amin ni Marcus, yung biglaang pagpasok ni Julius—parang ang gulo ng lahat. Sinubukan kong mag-focus sa trabaho, pero sa bawat ayos ko ng mga bouquet, napapasulyap ako sa pinto, iniisip kung sino na namang darating.
"Focus, Camila," bulong ko sa sarili ko habang inaayos ang mga rosas. Pero kahit pilitin ko, ang bigat sa dibdib ko ay hindi basta nawawala.
Ilang sandali pa, biglang bumukas ang pinto ng shop. Pag-angat ko ng tingin, napatigil ako. Si Julius. Nakangisi siya habang papasok, bitbit ang isang maliit na kahon na mukhang mamahalin.
"Good afternoon, Camila," bati niya, ang tono ng boses niya parang laging may ti
