CAMILA POINT OF VIEW
Maaga akong dumating sa flower shop kinabukasan, pero kahit gaano ko subukang mag-focus sa trabaho, parang lumilipad ang isip ko. Hawak-hawak ko ang gunting habang inaayos ang tangkay ng mga rosas, pero paulit-ulit na bumabalik sa akin ang imahe ni Marcus Javier Santos—ang CEO na hindi ko akalaing muling magpapakilala sa buhay ko. Hindi ko maintindihan kung bakit hindi ko maalis sa isip ko ang mga nangyari kahapon.
“Camila, ang lalim ng iniisip mo ah,” bungad ni Mama mula sa counter habang nag-aayos ng resibo. “Hindi pa rin ba nawawala sa isip mo ‘yung event kagabi?”
Napatingin ako sa kanya, sabay iling. “Wala naman, Ma. Nag-iisip lang ako ng mga dapat gawin para ma-improve pa ‘yung arrangements natin.”
Ngumisi si Mama at tumingin sa akin na parang alam niya ang t
