Lori Light
Yakap-yakap ko sa aking balikat si Lori, marahan kong tinatapik ang likuran niya. Kanina pa siya iyak nang iyak. Nakaupo ako sa rocking chair sa aming lanai. Tanghali at mataas ang araw pero hindi mainit ang hangin sa balat, malamig pa rin, presko sa pakiramdam.
"Stop crying, Lori. Mama's here. Ssshhh." Hinele ko si Lori, unti-unti siyang tumahan at bigla na lang humagikgik. Humagikgik din ako kasabay niya.
Inilipat ko siya sa aking hita at sinandal sa dibdib. Sumandal ako sa rocking chair. Pinagpatuloy ko ang pagkanta at umihip ang malakas na hangin. Sinayaw noon ang mga puno sa paligid. Autumn ngayon sa Oregon. Maraming dahon ang naglalaglagan sa mga puno tuwing iihip ang hangin, napaka ganda nilang pagmasdan.
"I love to dance, dilly, dilly, I love to sing. When I am Que
