Naninibago siya na hindi naratnan si Rufus sa bangko kinabukasan. Para lang kasing may kulang. Hinahanap niya ang pilyo nitong ngiti, ang mga panakaw na sulyap at paminsan-minsang pagkindat kapag nagtatagpo ang mga titig nila.
“May hinahanap po ba kayo, Miss Bettina?”
Sinusundan na pala ni Angeline ang direksyong tinititigan niya. Lumilipad na na pala ang utak niya at napansin iyon ng babae.
“I'm just looking at the wall. Mukhang kailangan na ng pintura,” with a smile of assurance on her face, she answered.
Pareho silang sumakay ni Angeline sa kanya-kanyang sasakyan patungo sa team management meeting na dadaluhan nila. Habang nagmamaneho, lihim niyang kinuwenta sa isip kung okay lang ba ang pamamalakad niya sa bangko. Mukhang wala namang problema. Kadalasang dumadalo ang mama at pap
