"Ahhhh.." nakangiwi kong daing nang matanggal any maliit na kutsilyong nakabaon sa aking tagiliran.
Umigting ang panga ko at napamura nang makitang mabilis na umaagos ang dugo ko. Tinakpan ko iyon ng kamay at hinagilap ang gauze.
Nilinisan ko din iyon bago nilangyan ng patong patong na bandage para kung sakaling dumugo ay hindi babakat sa damit ko.
Hindi pwedeng makita to ng asawa ko baka mamaya maisipan niya pang ipa cancel ang honeymoon namin.
No no way!
Pagkalabas ko ng kusina dala dala ang first aid kit ay sakto namang pagbaba ni Mateo sa hagdan.
"Malinis na boss." pahayag niya kaya tumango ako. Huminto siya sa harapan ko at mukhang may hinihintay. Napaismid ako at inirapan siya.
"Wala akong sasabihin sayo. Sigurado akong ibabalita mo din naman kay kuya, tsk." asik ko pa.
