┈┈┈┈◦•✩•◦┈┈┈┈
Magtatatlong buwan na ang dinadala ni Ynah sa kanyang sinapupunan. Sa bawat araw na lumilipas... unti-unti na rin niyang tinatanggap ang masakit na katotohanan na ang lalaking minsan niyang minahal ng buo, ay hindi siya kayang mahalin. Hindi na siya tulad ng dati na umiiyak sa gabi, yakap-yakap ang unan habang binabalikan ang mga alaala nilang dalawa. Hindi na siya 'yung umaasa na baka dumating ang araw na magkita silang muli at masabi niya sa sarili niya na... baka pwede pa. Hindi na ganuon ang pananaw niya ngayon sa buhay. Lumalaban na siya para sa kaniyang anak na unti-unti ng lumalaki sa loob ng kanyang sinapupunan.
Pero kahit pa gaano niya piliting maging matatag, may mga sandaling nakakaramdam pa rin siya ng matinding kalungkutan... 'yung tipo ng lungkot na tahimik l
