Celine's POV
Nagmulat ako ng mga mata. Ang maputing kisame ang una kong nabungaran. Ilang sandali akong nakatunganga sa kisame bago ko napansin ang nasa tabi ko. Paglingon ko, nakita ko ang maamong mukha ni Josh. Nakatagilid siya at nakatingin sa akin habang nakangiti.
Ilang sandali pa kaming nagkatitigan bago ako napangiti sa kanya. "Bakit ang aga mong nagising?" pabulong kong tanong sa kanya.
Bahagya siyang napatawa sa akin. "Gusto ko lang 'tong gawin. Gusto kong kabisaduhin ang detalye ng mukha mo. Baka kasi hanggang ngayon na lang kita makikita nang ganito kapayapa matulog..." sagot naman niya.
Napasimangot ako sa kanya. "Bakit mo ba sinasabi 'yan? Hindi pa 'yan mangyayari ngayon, okay?"
He smiled wryly. "Hayaan mo na lang ako, men. Ayokong makalimutan ang mukha mo. Natatakot ako
