Nahahapong napaupo si Stephany sa monoblock sa garden matapos maglinis ng bahay. Sunday ngayon at nasa rules and regulations nilang dalawa ni Travis na dapat pagtulungan ang household chores tuwing linggo pero nagkaroon ito ng emergency meeting kaya mag-isa niyang nilinis ang buong kabahayan.
Matapos makapagpahinga ng kaunti tinungo niya ang master's bedroom, ang kwarto ni Travis para kunin ang mga maruruming damit nito, pati na rin kobre kama, kumot at mga ponda. Kinuha na rin niya ang mga labahan niya at nagtungo sa laundry area.
Pakanta-kanta pa si Stephany habang hinihiwalay ang mga puti at de color nilang mga damit. Pagkatapos binasa at inilagay sa washing machine. 'Yong maliliit na labahin ay kinusot-kusot na lang niya.
Makalipas ang isang oras na paglalaba at masampay mga damit.
