PAGBUKAS pa lamang ng pintuan ng silid kung saan naka-confine ang kaniyang lola ay masayang sinalubong si Ken ng kaniyang kapatid na si Kate. Mahigpit itong yumakap sa kaniya nang makita siya nito sa pintuan. Hindi nito napigilan ang luha dahil sa kagalakang nararamdaman. “Kuya Ken, b-bakit ang t-tagal mong dumating?” Humihikbi pa ito habang hindi bumibitaw sa kaniya. Maging siya ay sabik na sabik nang makita ang kapatid kaya naman ngayong nagkita na sila ay hindi niya na rin magawang bintawan ito mula sa kaniyang mahigpit na pagkakayakap.
Sa kaniyang likuran ay nanatiling nakatayo si Thoie na pinanuod ang dalawang magkapatid, ang hapdi ng pagkawala ng pamilya nito ay muling hinawi ang dibdib. Ang larawan ng isang taong may pamilyang maaring yakapin nang mahigpit at isang kapatid na nagh
