HINDI nakaramdam ng pagkabagot si Thoie sa kaniyang pagbisita sa hospital kasama ang kaniyang personal bodyguard na si Ken, ito ay dahil sa bibong bata na si Kate. Napakadaldal nito at masiyahin, ikinikwento nito sa kaniya ang lahat ng nakatutuwang pangyayari sa kanilang magkapatid. Talagang aliw na aliw siya rito at kung hindi lamang tumawag si Don Inigo ay hindi niya babalaking umuwi kaagad. Nais niyang manatili pa roon at makipagkwentuhan. “Goodbye, Kate,” paalam niya rito at marahang pinisil ang pisngi.
“Naku, kailan naman kaya kayo makababalik, Ate Thoie?” Gumuhit sa mukha nito ang pagkalungkot. Pumasok sa isip niya ang panahon ng kaniyang pangungulila nang tuluyan siyang lisanin ng kaniyang mga magulang. “D-don’t worry, Kate.” Ngumiti siya rito upang kahit paano ay maibsan ang lung
