Chapter 44
HAWAK ni Madison ang cellphone dahil kausap niya si Mila ang kaniyang ina. Bakas sa mukha ni Madison ang kasiyahan. Napapanatag siya kapag naririnig ang boses ng kaniyang ina. Nakatayo sa terrace si Madison.
“Opo, Ma. Malapit na akong umuwi,” magiliw niyang sambit.
“Talaga, sabi mo ‘yan, ha? Naku, mabuti naman at makauuwi ka na. Nami-miss ka na namin. Parati kang tinatanong sa ‘min ni Ma’am Natalie.”
Lumawak ang guhit sa kaniyang labi dahil hindi talaga siya kinakalimutan ng kaniyang boss. Sobrang bait nito dahil pinayagan siyang magbakasyon.
“Opo, ‘Ma. Uuwi na po ako.”
“Sigurado ka bang okay ka na? Naka-move on ka na?” naniniguradong tanong nito at may halong pag-aalala.
Ngumiti siya nang tipid, “Okay na ‘ko, ‘Ma. Handa na akong bumalik sa Bulacan. M
