Chapter 52
NATIGAGAL sa kinatatayuan nito si Oscar na halos hindi makapaniwala sa mga isiniwalat niya. Puno ng pagtataka at katanungan ang mukha nito kung paano niya nalaman ang lahat. Habang si Fatima ay gulong-gulo sa narinig mula sa kaniya. Nang balingan niya ito ng tingin ay napasapo ito sa dibdib. Puno ng pangamba at takot ang mga mata ng kaniyang ina.
“F-Frank… bakit mo ginagawa ang bagay na ‘to?” naiiyak na tanong ni Fatima.
Ipinilig niya ang kaniyang ulo dahil kahit masakit man ang katotohanan ay kailangan niyang ipaalam ang lahat sa kaniyang ina. Pareho silang naging biktima at lahat ay pasimuno ni Oscar. Puno ng galit ang kaniyang puso at hindi niya iyon kayang pigilan.
“Ginagawa ko lang ang tama, Mom. Nagsasabi ako ng totoo. Si Aubrey ay kalaguyo ni Dad.”
“W
