[Madison’s POV]
IYAK NANG IYAK si Mama noong malaman ang nangyari sa ‘kin. Hindi niya matanggap ang sinapit kong kahihiyan sa harap ng maraming tao. Habang si Papa ay bakas sa mukha ang galit at nakakuyom ang magkabilang palad.
“Anak, hindi ko maintindihan?! Bakit niya nagawa sa ‘yo ‘to?!” umiiyak na sambit ni Mama.
Lalo akong napahagulgol nang iyak. Ang sakit! Sobrang sakit sa pakiramdam. Hindi ko maiwasang tingnan ang mga litrato namin ni Frank. Sa totoo lang ay mahal na mahal ko siya kaya ang hirap bumitaw. Siya ang mundo ko, ang oras ko at buhay ko. Binigay ko ang lahat ng makakaya ko sa relasyon namin. Ang iniingatan kong p********e sa mahabang panahon ay ipinagkatiwala ko sa kan’ya.
“H-Hindi ko rin alam… hindi ko… akalain na mangyayari ‘to, ‘Ma. Napahiya ako sa venue…
