Chapter 48
NAPATDA siya sa mga oras na iyon. Hindi na magkamayaw ang kaniyang puso dahil yakap siya ni Enzo. Ang mainit na yakap nito ay nagbibigay payapa sa kaniya at napapalagay ang kaniyang kalooban. Humigpit pa lalo ang yakap ni Enzo at ngayon ay nakapikit ito nang mariin.
“Alam mo bang nagtatampo ako sa ‘yo…” namamaos na sambit nito.
Bahagya siyang nagulat sa sinabi nito. Ganito pala magtampo si Enzo?
“B-Bakit ka naman magtatampo. Ako ang dapat magtampo dahil sa ginawa ng baliw mong ex-fiancee.”
“Iniwan mo ako. Hindi mo man lang ako hinintay.”
Para siyang kinurot sa puso niya at aaminin niyang nakokonsesnya siya sa kaniyang ginawa. Hindi niya rin masisisi ang sarili kung bakit.
“Sorry… nagpadalos-dalos ako.”
“Ayaw ko ng sorry…”
Nilingon niya si E
