Chapter 49
Kausap ni Aubrey si Josh sa telepono dahil may plano silang isasagawa upang tuluyan nang maipasara ang kompanya ni Frank at mailipat ito sa mga kamay nilang dalawa.
“Bilisan mo na at huwag kang mali-late. Naiintindihan mo ba?”
“Siguruhin mong hindi tayo papalpak ngayong araw. Dahil kapag nangyari ‘yan, malilintikan ka sa ‘kin!” ani Josh.
Isang pilyong ngiti ang gumuhit sa labi ni Aubrey, “Kailan ba kita binigo? Never…”
May kikitain silang tao na siyang tutulong sa kanila. Ibebenta nila ang kalahating shares sa isang lalaking pinagkatiwalaan ni Aubrey. Nangako itong magpagamit sa kanila ni Josh. Walang kalam-alam si Frank sa mga ginagawa ni Aubrey. Hindi rin nito alam kung sino ang nagnanakaw sa kompanya. Pinaimbestigahan na ito ng ama ni Frank na ngayon ay nags
