Halo-halong emosyon ang nararamdaman ni Lalaine habang naglalakbay sila ni Adrian patungo sa hindi niya alam na lugar. Hindi niya magawang lingunin ang lalaki dahil nilulukuban siya ng matinding kaba sa dibdib. Malakas lamang siyang magsalita ngunit sa kanyang loob ay nababahag na ang kanyang buntot.
Gusto niyang umatras, gusto niyang huwag ituloy ang kanyang kahibangan, ngunit nananaig sa kanya ang kagustuhang makasama si Adrian na ngayon ay nasa tabi niya. Kahit isang gabi ay maging kanya ang lalaki. Handa niyang ialay ang sarili rito. Alam niyang ganoon siya kahibang sa kanyang pagmamahal dito.
Hindi niya namalayang nakarating na sila sa isang hotel. Mabilis na naiparada ni Adrian ang sasakyan nito sa harap ng hotel saka mabilis na lumabas. Akala niya ay iiwanan siya roon pero mabilis
