المشهد والبارت الأول والبارت الثاني والبارت الثالث

3420 Words

اقترب عليه وهو يفتتح الكلبجات إلي بيدي ويتعمد يفرك بأيدي رجعت منه خايفه ومرعوبه ونظراته غريبة ورجع كعد خلف مكتبه وعلى وجهه ضحكه استهزاء وكال تعرفين شنو تهمتج يا حلوه أمي يوميه تحلم بعمتي وهي ماخذيها حتى يذ*حوها وهي تدعي على أمي يا رب يصير عندج بنيه وتفضحج مثل ما فضحتوني إنتي واخوج وتحققت دعوة عمتي من كال أبو المختبر حامل نصدمنا اثنينا وظلينا واحد يباوع بوجهه الثاني طلعنا من يم أبو المختبر وكل واحد غارق بأفكاره بس تفكيري جان هذا الطفل مستحيل يبقى ويربطني بي طول العمرإذا دعتك قدرتك على ظلم الناس فتذكر قدرة الله عليك السلآم عليكم إسمي دارين مواليد 2002 من أب كردي افيلي وأم ايرانية وعندي 3 أخوه وأخت وحده حياتي إني وأختي جانت عبارة عن جحيم لأن يخافون لا نسوي شي ويتعايرون بي كان كل شي عدنا ممنوع ما خلو بالهم ان كل شي ممنوع مرغوب وهذا يرتبط بحادثة صارت قبل سنوات يعني قبل ما حتى نجي للدنيا أبويه جان خاطب بنت عمه وابن عمه خاطب عمتي يعني كصه بكصه زواج أقارب وما نطبب غريب بينا ابويه شاف أمي من جانت جايه زيارة لخالتها وخالتها جانت مقابيل بيت جدي أهل أبويه ونعجب بيها وحبها وهي كذلك نعجبت بي وحبته فابويه طلب من اهله انو يعوف بنت عمه ويتزوج من أمي بس بيت جدو رفضوا رفض قاطع وخصوصا انو أمي ما يعرفون أصولها بعد الحاح أبويه ورفض أهله أبويه تزوج دون علم أهله وصارت أمي حامل باخويه الجبير وابويه في وقتها جان موظف وراتبه قليل جاب أمي وسكن بيت خالتها ويروح عليها بس بالليل من ينامون بيت جدي لحد ما خالتها فاض الصبر بيها وراحت على بيت جدو وانطتهم خبر بزواج أبويه وأمي وهنا كبت العيطه بيت جدي وعرفوا بيت عمه إلي همه أهل خطيبته وخطيب عمتي بنفس الوقت وعافوا عمتي برغم عمتي وخطيبها جانوا عايشين احلى قصة حب بس من عرفوا أبويه تزوج فسخوا خطوبة أبويه وبنت عمه فسخوا خطوبة عمتي وابنهم ظلوا أهل أبويه فتره مقاطعين ابويه واهل المنطقه كاموا يحجون على أبويه على شلون عايف أهله وما يحاول يصالحهم وبالفعل أبويه وسط المختار واهل المنطقة الخيرين وحجوا ويا جدي وعمامي على شلون عايفين ابنكم كاعد كعيدي عد خالة مرته وهي حامل بابنكم وصالحوهم وقرر جدي انو ابويه يجيب مرته تسكن ويا هم بالبيت وهذا جان أكبر غلط ارتكبه جدي من دخل أمي لبيته هنأ بدت المشاكل بين أمي وعماتي وبيبيتي شوفوا أمي نجوم الظهر حتى ض*ب يض*بوها من أبويه يروح للدوام حتى أكل ما ينطوها إلى أن جابت اخويه الجبير هنا أمي جابت ولد فابويه كام يعبد أمي وعماتي وبيبيتي يتخبلون خصوصا يعيبون على أمي لأن حجيها م**ر يعني ما تاقنه العربيه ومن يض*بوها ترطن عليهم بالايراني وهم يتخبلون يعرفون هي دا سب بيهم فيكرهوها أكثر استمر هذا الحال من سنة 1993 الى1998 بهاي السنوات أمي صار عدها 2ولد وحامل اجى خالي من إيران زيارة لخالتها وأخته إلي هي أمي ويا ريت ما جاي الله ينتقم منه أمي من شافت خالي بعد 5 سنوات صاير شاب حلو اتفقت ويا خالي انو يوهم عمتي بالحب ويسوي وياها علاقه حتى تلزم لزمه على عماتي وبيبيتي و يعوفنها وما يئذنها فكانت هي إلي تهيئ اللقائات بين عمتي وخالي بغرفتها ومحد يدري بيهم بس خالي ألله ينتقم منه فهم الموضوع غلط بقى 3 أشهر بالعراق بهاي الفتره عمتي صارت حامل من عرفت بنفسها حامل راحت عليه لبيت خالته وكالتله على حملها بس هو عرف بيها حامل انهزم ورجع لإيران وقبل بزمن صدام ماكو موبايلات حتى يخابروه فوكعت بيها عمتي المسكينه وظلت يوميا تروح تكعد يم أمي بالغرفة وظل تيجي على شلون لو عرفوا أهلها هي حامل إلى اليوم المشؤوم من جانت تيجي يم أمي على سوء حظها سمعتها مرة عمي وفهمت السالفه فما جذبت خبر وراحت كالت لعمي وهو تبخل طلع من غرفته وراح دفر الباب مال غرفة أمي وسحل عمتي من شعرها وجابها وشمرها كدام جدي وهو يصيح بصوت هز أركان البيت الخاتونة حامل هنا التموا عليها أبويه وعمامي وجدي وكعولها دك وكتلوها كتله موت وسئلوها مين حبلت وهي حجتلهم كل القصه فقرروا يذ*حون عمتي ويطمون عارها واتفقوا ياخذوها بالبستان ويذ*حوها ويدفنوها وبالفعل كاموا يجرون بعمتي وهي تصرخ صراخ يرعب الميت بس وهما يجرون بيها هي تدعي على أمي تكلها ألله ينطيج بنيه تفضحج مثل ما فضحتوني إنتي واخوج أن شاء الله حوبتي ما تتعداج ولأن الله بالمرصاد طلعت حوبة عمتي وتحققت دعوتها من أخذوا عمتي وذ*حوها ودفنوها بالبستان رجعوا ودزوا على ابويه وخيروه بين يتبرون منه وبين ياخذ جهاله ويطلك أمي بس هو للأسف أختار أمي فتبروا منه وطردوا من كردستان العراق كله و بلغوه انو دمه ودم ولده مهدور بأي مكان يشوفوه بي بكردستان هنا أبويه إجى لبغداد وسكن بمنطقة متزوجه بيها وحده من عماتي وهي منطقه طل على شط ونقل دوامه لبغداد أما أمي يوميا بالليل تحلم بعمتي وتكعد مرعوبه ومن اجوي لبغداد جابت اخويه الثالث فقررت بعد ما تخلف لأن تخاف لا تجيها بنيه وتتحقق دعوة عمتي فكامت تاخذ حب مانع بس مع هذا الحب المانع حبلت باختي وهي تخبلت لأن جابت بنيه بعد أختي حطت لولب بس طافر اللولب وصاير عدها حمل وهي ما تدري من تحركت بطنها يلا عرفت بنفسهاحامل وحاولت بكل جهدها تنزلني بس ما كدرت إرادة ألله حتى يعاقبها بيه وظلت اسوي أشكال وألوان حتى بس ينزل الحمل بس ماكو ما نزل بالع** اذت نفسها من جابتني صار عدها نزيف ورفعولها الرحم كبرنا إني وأختي على الض*ب وكل شي ممنوع والله حتى الأكل الزين كدام إخواني واحنا ننتظرهم يخلصون أكل حتى نأكل من الفضاله وناكل كله بالمطبخ حتى مو وياهم يعني خ** الحجي مكفخه من أخواني إلى أمي إلى أبويه أختي فقيرة بس أني ل**ن والض*ب الحصه الأكبر إلي فجنت اعتبر أختي هي أمي كد ما جانت حنينه عليه ومرت سنوات القهر وظلم علينا اني وأختي وصرنا بالمتوسطه دارين اكلج يارين صرت وياج بنفس المتوسطة هاي المدرسة زينه يارين زينه إذا انتي درستي دارين بس أني ما أحب المدرسه أحب أطلع واطب ما أحب كعده البيت يارين اسكتي لا تحجين هذا الحجي إذا يسمعوا بالبيت يسوها حجه ويبطلوج يلا هذا أول يوم بالمدرسه جبتي وياج آكل دارين لا أخذت فلوس من أمي كوه انطتني عود أشتري دخلنا للمدرسه وكاموا يوزعونه على الصفوف وما درسنا شي وطلعونا من وكت اكو أسواق مقابل المدرسة دخلت للأسواق دارين مرحبا أريد كيك وعصير ياسر تريدين كيك انتي كيك إنتي هنا بهاي المدرسة دارين اي أول سنه يعني أول متوسط واباوع عليه شلون شاب يخبل كتله وأنت ياسر سنه أولى كليه بس مسائي كتله حلوه الكليه رد مو احلى منج اني بعدني احجي ويا دخل شاب يحجي ويا ياسر وعينه عليه بعده ياسر ما نطاني إلي أريده دخلت أختي يارين هاي انتي هنا ادور عليج يلا للبيت أخذت الكيك والعصير وطلعنا يارين بعصبيه انتي شلون واكفه وياهم ما تخافين على سمعتج هنا الولد كلهم جذابين لا تحتكين بأي واحد ولا صدكين أحد ترى صيرين فريسة سهله وتخسرين سمعتج هنا راح شوفين اشكال وأنتي حلوه انتبهي حبيبتي لأن بالبيت ما يرحموج رجعنا للبييت أول ما دخلنا سمعنا صوت مو غريب علينا صوت نكرها ويكرهنا شاف*نا وظلت تعوج بحلكهاصوت عمتي رويدا سلمت عليها يارين اني ما سلمت كالت شبيج ل**نج بي عظم واندارت لأمي تكلها وآلله هاي بنتج الصغيرة إذا ما صخمت وجوهكم كولي كالت رويدا طبعا كالعاده أمي ما جاوب حتى لو ابويه موجود نفس الشي محد يعارض كلام عمتي جاوبتها بس انتي عفي عنا احنا بخير هنا هي كام صوتها يلعلع إنتي ما متربايه وصلفه وأنواع الغلط سحبتني يارين وصعدتني الدرج ودخلتني للغرفه كالت انتي ما يفيد وياج الحجي بعدها تحجي اندفرت الباب ودخل اخويه الجبير معتز وهجم عليه والله وين ما يوجعك ض*بني ض*ب الحيوان ما يتحمله ويارين واكفه تخاف تتقرب كال وهو طالع بس اسمع الج صوت أرجع أخلص عليج أجت عليه يارين أخذتني بحضنها وتمسح بدموعي ليش ما سكتين مو تعرفين أي كلمه زايده ناقصه ويا عمتي تنض*بين عوفيها من بين دموعي كتلها ما اتحمل ليش هيجي يسون بينا والله لو شوفين صديقاتي شلون أهلهم يعاملوهم لو شوفين ملابسهم واني أظل بس أتف*ج شلون يطلعون مولات وسفرات وحنا كاعدين اشكالت رويده وشحجت رويده مسحت دموعي بيده وكالت لا طلعين هسه يتغدون واجيبلج غده ضحكت كالت اكلج بس لا عمتي رويده تدري أحنا نتغده ورا ما يكملون وتأكل كل الاكل ونظل جوعانين بدلت وكعدت أنتظر يارين اجيب الغده انتظرت هوايه نمت ما حسيت إلا على صوت ابويه وهو يرعد ويصيح بإسمي أجت يارين كومي بابا يريدج نزلت بس شافني هجم عليه وض*بني نركع رأسي بالباب وظل يض*ب بيه ويغلط عليه وعلى امي شلون ما عرفت تربيني من ذاك الوكت صار يزيد حقدي عليهم صرت اي واحد يكلي كلمه حلوه اكول هذا يحبني صرت أدور على الحب والحنيه بره بمرور الوقت صرت ألفت انتباه الشباب وأحب يلحكوني ويسمعوني كلام المعا**ات هاي كانت عندي بداية المراهقة الخطره مرت الأيام نفس الروتين القاتل بين البيت والمدرسة رجعنا اني ويارين من المدرسة سمعنا صوت عمتي رويده هي شاف*نا كالت اجتي جنتي وتباوع على يارين أمي سوت روحها حنينه كالت يلا بدلن وروحن للمطبخ صعدنا بد لنا ونزلنا للمطبخ واحنا نسوي بالغده سمعنا عمتي تكلها لأمي احنا ماعدنا شي ناخذها بسرعة أحسن ما ظل وبعدين سويلها مصيبه وتفضحكم لو انتي اجيبيلها واحد وتخلي يحبلها وهم تنذ*ح ظلينا اني ويارين وحده تباوع بوجهه الثانية وما نعرف عليمن الحجي كتلها يارين هاي عليمن تحجي كالت ما اعرف تعالي أروح يمهم رحنا يمهم بالهول أول ما شاف*نا كالت أريد بس يارين جنه اشجاريلي أخذ دارين إلا مارايده روحي باوعت عليها بطرف عيني كتله ليش شبيه مخبله وأخذ ابنج ظلت تفر بيدها بعدها ما مجاوبه عليه دخلوا أخواني معتز ومنتصر كالتلهم عمتي تريد يارين لابنها بهاء جاوبها معتز كبعي واخذي من اجى أبويه نفس حجي معتز كبعي واخذي ومحد كلف خاطره وسئلها على رائيها وبالفعل امتحانات بعدها مال نصف السنه مجايه ويارين مخطوبة وكاطعين مهر بس شنو كل شي ما جابت إلها كأنه ماخذيها فصليه مو ذاك الحزن حاسب حساب تروح و تخليني لأن بعض البشر على الشينه يتوازه وصحيح اعتازلك بس هي حسبة ليل والصبح يف*جها ربك ما تظل عازه ما ميت عليك هواي عندي عزاز إذا ينقص جتف ما طيح جنازه شال هوايه كلبي غيرك ما جازوا ما منتظر منك راح تتجازه0 حتى الأعمى إذا فات بالطريق مرتين بالثالثه ما يحتاج عكازه ثالث مره إذا عثر زحمه بكل ما انجرح حضرت إلي يداوون انخطبت أختي يارين وعقدوا وتقرر يوم يجهزون بي وجان يوم جمعه إجت عمتي رويده من الصبح واصيح يا مسعدات وبيتجن على الشط ومين ما ملتن غرف*ن طلعت أمي تهلي وترحب بيها تكلها لأمي هاي بعدجن نايمات يلا راح يعزلون المحلات نزلنا إني ويارين باوعت على الساعه ب 7 كتلها عمه شنو نروح من الفجر عاطت وانتي يا هو داز عليج اكعدي واسكتي ليش اكعد وأسكت أروح وياكم مو أختي بيش راح اضوجج تن*دت وكالت ومنو يسوي غده جاوبتها أمي ،عيني اخذي البنات وروحي واني أظل بالبيت واسوي غده رويده، انتي صدك ما تستحين سويلنا ريوك شو بس اطردين ردت أمي جنج على ريوك يارين اخذي اختج وسون ريوك رحنا للمطبخ ما اعرف شلون اوصف شعوري فرح لأن راح أروح للسوك مادري ضايجه من طلعتي ويا عمتي رويده لأن دائمآ محبوسه بالبيت فعجبه عندي الطلعه سوينا ريوك كعدت تاكل على كيفها ما جانت مستعجله في حين قبل شويه جانت مستعجلة وراح يعزلون كملنا وبدلنا وطلعنا وياها للسوك اخذتنا مشي حتى مو بالسياره تعبنا من المشي وما وصلنا إلا بطلعان الروح وهي تمشي وتوزع سلامات وكفنا يم أبو الذهب اشترت حلقه بس ظلينا متفاجئين وساعه تفاصل على السعر كل ما أريد احجي تكرصني يارين وسكتني إلا طلعت روح الصايغ يلا اشترت طلعنا من يم الصايغ اخذتنا للتنزيلات هنا ما تحملت دارين _ اكلج عمه ليش مكلفه روحج وجايبتنا جان انتي اشتريتي قماش وخيطتي رويده _وشتريدين اوديج لمول الحارثيه إني مو كتلج لا تجين دا أرد عليها سكتتني يارين وتكلها بكيفج عمه عمتي رويده تهز بيدها وتكول همزين ما الله ورطني بهاي وتاشر عليه على أساس إني كاتله روحي عليهم وظلت تاخذ شلون ما كان اباوع على أختي واكول ويا نفسي شلون راح تعيش ويا رويده خلصنا بعد ما لمت كله ستوك ورجعنا للبيت مشي تكول امشن المشي رشاقه بهذاك الوكت عرفت إلي مرتاحة بيت أهلها تبقى مرتاحه والي مشلوعة كلب تبقى مشلوعة كلب طول العمر مرت الأيام وأجت إمتحانات نصف السنه وامتحنه واجت العطله وتقرر عرس يارين عمتي رويده ما قبلت اسوي حنه بس عرس وبيوم العرس أمي كعدة يم يارين وحجتلها كل قصتها واي أهل أبويه وسئلتها يارين على خالي وأهلها كالتلها ابوج من صارت سالفة عمتج خلاني اتبره من اهلي فما أدري بيهم فانتبهي من عمتج حتى لا كل ساعه تعايرج وسامحيني للعصر اجوي اخذوا يارين بس المسكينه حياتها صارت جحيم لإن عمتي دائمآ اشكك زوجها بيها فصارت جحيم حياةاختي عمتي رويده وزوجها علاء بعد فتره قرر اخويه معتز يزوج رؤى بنت عمتي وزوجوا بس سامعين إلي يكول خلف الملعون كلب طلع كلب ابن كلب وهذا ينطبق المثل على بنت عمتي رؤى طلعت رؤى اض*ب من عمتي رويده توكف عاجز كدام حيلها والاعيبها وهذا جان أول انتقام لأمي حتى خربت علاقة أمي وابويه وهي صارت الكل بالكل أما إني خلصت أول متوسط وصرت ثاني بس من ازوجت يارين بعد ما عندي أحد يوجهني واني بمرحلة مراهقه محد احتواني بالع** عافوني للما يخافون من ألله كانت نتيجتها غلطة كلف*ني عمري وسمعتي وأهلي وحياه أبويه واخويه بعمر المراهقه يصير كل شئ مباح يكون العقل مغيب والممنوع مرغوب وهذا إلي صار وياي حبيت ياسر أبو الأسواق إلي هو مقابيل مدرستنا حب ما اكدر يوم إذا ما أروح للأسواق واشوفه ما ينسحب من عمري جانت صديقاتي يشجعني إلى بيوم عندي صديقه إسمها ميار شفتها الصبح بالطريق دارين :-صباح الخير ميار:-صباح النور اكلج صديقج ياسر مصادق هناء الظاهر بدأ يلعب بذ*له من وراج نار وشبت بيه شلون يصادق من بنات المدرسه كلتلها شمدريج ردت هي كالتالي بس هو يحجي وياها بالموبايل وصلنا للمدرسة شفت ياسر بس ما اكدر أروح أحجي ويا لإن ما ظل وقت للاصطفاف دخلت وصطفينا ودخلنا للصفوف سويت روحي متخربطه وبطني توجعني وأريد أروح للحمام دزتني المعلمه للحمام رحت وغافلت الحارس وطلعت ورحت لياسر أول ما شافني تفاجأ بيه ياسر :-شجابج رديت عليه شعندك ويا هناء رد ما عندي شي وياها كتله ها يعني مو تحجي وياها بالموبايل كال هي تخابرني شسويلها بس أني أريد أتواصل وياج انطيني رقمج دارين ؛-بس إني ما عندي موبايل اهلي ميقبلون رد إني اجيبلج وضمي ويوميا نتواصل بالليل دارين خفت ورفضت كتله ما أريد جاوبني ترى إني احبج وحتى احسسج بحبي مو اظل اتحسر حتى أسمع صوتج كل أصدقائي هيجي ويا حبيباتهم من رفضت تخبل هو كال ها هيه انسيني يلا روحي عفته ورجعت للمدرسة أول ما دخلت ورحت للحمام غسلت ورجعت أريد أروح للصف دك الجرس فرصه وطلعن البنات شاف*ني ميار واجت عليه ميار؛-وين جنتي شو تاخرتي كتلها رحت لياسر وحجيت ويا على هناء كال ما عندي وياها شي ويريد يجيبلي موبايل ردت اي شكو بيها أخذي واتواصلي ويا ويوميه قطي برصيد ليش ظاله بس تتحسرين وكل شي ما عندج و دائما اخلي يجيبلي هدايا وضميهن شبيج يا حظي بس أني بصراحة خفت ما سمعت لا كلام ياسر ولا ميار مرت الأيام وياسر يتعمد يصادق من بنات صفي ويحرك كلبي بس أني ما ستسلمت وقبلت بعرض ياسر وخلصت الثاني ونجحت للثالث من كعدنا عطله تجي يمي ميار دائما لأن إني اهلي حابسيني ما يقبلون اطلع كل شي عيب وممنوع وهذا جان أكبر غلط لأن لا أحد يوجهنا ولا نختلط بهيجي حاله نكون متقوقعين يا هو إلي يجي يحجي ويانا نصدك لأن نكون على نيتنه وما عدنا اختلاط بأحد إجت صديقتي ميار جنت بالحمام صاحتني رؤى / تعالي دارين اجتي صديقتج ميار وصعدتها فوك للغرفه طلعت من الحمام ورحت للغرفه بوستها وظلينا نسولف على السنه الدراسية الجديده ميار :-اكلج دارين وياسر السنه الجايه هم ترجعين ويا جاوبتها/ لا ردت إنتي غلطانة يعني صار أشهر كاعدين من المدرسة شلون يتواصل وياج وأنتي ما عندج موبايل اخذي من عنده وضمي على اهلج وتخابروا بالليل بعدني ما مجاوبه ندك الباب ودخلت رؤى وبيدها مي تعجبت هاي أول مرة سويها حسيت بيها سمعتني اني وميار نحجي وصحيح يكولون الصاحب ساحب واني اقتنعت بكلام ميار وقررت من أبدي الموسم الدراسي أخذ موبايل من ياسر راحت ميار بس حسيت رؤى عدها حجي أتريد تكوله بس تحوس يمي بس ما تعرف شلون تبدي ما تحملت لليل اني وياها نسوي عشا كالت رؤى ؛-دارين ترى سمعتج اليوم انتي وصديقتج تحجون بهذا الولد ياسر هنا اني خفت لا تحجي كتلها والله ما عندي شي ويا عفيه لا تحجين لأي واحد بس فاجئتني من كالت رؤى لا عيني ما احجي بس أني احجي وياج ترى عادي تحبي ويحبج تاخذين منه هدايا وموبايل وانتي شيريد منج سوي غير واحد يحب الثاني اني ومعتز نفس شي جنا هدايا وطبه وطلعه عادي اي علاقة حب يصير هيجي بيها اني منا قنعتني ميار رؤى جان إلها الدور الأكبر وبالفعل خلصت العطله ورجعت على المدرسه ورجعت علاقتي بياسر وأخذت منه الموبايل ويا ريت لو ميته ولا ما خذته و لو عارفين اهلي وموتيني كتل ومبطليني من المدرسه ولا صار إلي صار بس لو ما تفيد لأن ال لو زرعوها وما خضرت وتغيرت حياتي 360 درجه بس ما نكدر نكول حب مستحيل هذا مو حب ولا نكدر نكول نزوه لأن عمري مو مال نزوات نكدر نكول طيش مراهقه بس الثمن جان غالي أغلى شي تملكه البنيه وصحيح يكولون كما تدين تدان والي يدك باب الناس العالم تجي دك بابه هذا جان حالي ويا رؤى شلون أمي ورطت عمتي وجانت السبب انو عمتي خسرت حياتها وشرفها وسمعتها وسمعة اهلها رؤى نفس الشي هي جانت تشجعني اتصل بياسر واروحله للأسواق بالليل مكالمات اني وياسر وما نام الا الفجر بالكوه يلا اكعد الصبح واروح للمدرسه ورؤى شجعني لهذا هي إلي جانت تراقبلي من احجي ويا ياسر أما يارين صار عدها ولد وبنيه ومن صارت عدها بنيه تخبلت عمتي شلون جابت بنيه لأن باعتقادها البنات يجيبن المصايب وأختي المسكينة خدامه عدها وزوج أختي علاء يشك باختي شك مو طبيعي يعني إذا اجى من شغله ولكاها مبدله ومخليه مكياج يكتلها ويكللها المن محضره نفسج وحتى بوشها من تطلع لابسه بوشيه ومن تجي يمنا تجي وياها الحارس الأمين عمتي رويده لأن تخاف وتكول لا أمها تنسقلها ويا وأحد وبهذا الحجي تحرض علاء على يارين رؤى صار عدها ولد وحامل من اجتي يارين وشافت علاقتي برؤى تعجبت بس حذرتني يارين :-دارين اكلج علاقتج غريبه برؤى هاي مسمومه انتبهي منها لا تورطج بشي والله من تجي ماتطلع إذا ما تحرض عمتي وعلاء عليه كتلها لا خطيه زينه ردت يارين الله يخثر لبنجن باجر نكعد يم الحيطه ونسمع الزيطه هسه فترة وتكب العيطه ونعرف شنو إلي بينجن بس مع هذا احذري للعصر راحت يارين هي وعمتي رويده وبالليل خابرني ياسر وبعد السلام كال دارين عدكم إنترنت بالبيت كتله / اي عدنا كال كنكي عليه وخابريني رحت على رؤى كتلها ياسر يريد اكنك واخابره كالت اي بعد أحسن حتى لا تخسرون رصيد جيبي اكنكلج وفعلتلي النت وتصلت على ياسر مده واحنا اتصالاتنا على الواتساب بعدين كام يريد مكالمات فيديو من رفضت تخيل ياسر؛-ليش ما تقبلين تفتحين كاميرا شنو ما ثقين بيه إني لو أريد أسوي شي من تجين للأسواق اسوي إلي أريده بس أني ما مفكر بيج بشي مو زين وإذا ما تفتحين كاميرا بعد لا تخابريني ولا اخابرج وسده بوجهي هنا اني ظليت متردده اسوي إلي يريده لو لا المن اسئل وقررت باجر أسأل ميار ورؤى نمت وثاني يوم بالمدرسة سئلت ميار دارين؛-اكلج ميار ياسر يريد أفتح كاميرا ويا شتكولين ميار؛-عادي هيه المكالمات بين العشاق كلها بالكاميرا جاوبتها اكلج يعني مبيها شي يعني ماكو خطورة بيها ردت / ليش بيها خطوره شنو إنتي بالبرلمان ومن خلص الدوام رجعت للبيت رؤى جانت بالمطبخ رحت غسلت وبدلت ورجعتلها جانت كاعده تتغده وتوكل ابنها هشام دارين؛-رؤى ياسر يريد يحجي وياي ويريد أفتح كاميرا ويا شنو رائيج رؤى:-وشنو يعني هي بقت على الكاميرا لا تكولين للرجال لا ترى بسرعه يبزع خلي يشوف هذا الجمال ويتحسر حتى ما يلكي حل إلا الزواج ويجي يخطب اليوم بالليل قبل ما تخابري تعالي إليه حتى اعدلج يلا تخابري وبالفعل بعد العشى والماعين رحت لغرفتي إجت رؤى لغرفتي وجايبتلي برموده وفانيله ربع ردن حصر على الجسم لبستهن كتلها رؤى هذني فضيحة ردت غير حتى يتوازىويجي يخطب وردت فتحتلي شعري وخلتلي مكياج مال بنات وطلعت خابرت على ياسر جاوبني ياسر / مساء الخير على ملكة جمال ياسر كتله ها هسه راضي لو بعدك زعلان رد أزعل على روحي وما أزعل عليج اكلج كومي ثبتي الموبايل بمكان واوكفي أريد أشوف طولج وشعرج اني كله اشوفج محجبه يلا حبيبتي سويت مثل ما راد كلي والله ما أتحمل شنو من جمال انتي لا ولابسه أحمر وأ**د يموتن عليج وظلينا على هذا المنوال واجتي امتحانات نصف السنه وطلعت بدرسين وخلصت العطله مال نص السنه ورجعنا للمدرسه واني نفس الشي ويا ياسر يوميا تعدلني رؤى من مكياج ولبس من ملابسها ما جنت اعرف هذا التعديل والمكالمات راح يصيرن نقمة حياتي وما بقى غير شهر ونكعد بالبيت حتى نكعد نراجع بالبيت لأن احنا بكالوريا وامتحاناتنا بعد ما الصفوف الاوليه يخلصون إمتحانات إني يوميا الموبايل أخذه ويايا للمدرسه حتى بالفرص اخابر ياسر لأن هو إلي يعبيلي الرصيد واخاف يبقى بالبيت واحد يشوفه اجتني رساله من موبايل ياسر نص الرساله يكول إذا ما اجيتي اشوفج يم الشط راح أنشر مكالمات الفيديو مالتج هسه تجين حالا رحت للمكان إلي نذكر بالرساله ما شفت أحد لكيت بس هدوم محتركه وبعد الدخان يطلع منها و يمها موبايل ارجو التفاعل لأن تصويتكم يسعدنا إذا شفت التفاعل وتصويت أكثر أنزل بارت مفاجئ دمتم في أمان الله وحفظه وما أنسى في آخر كل بارت أشكر طلحه على ت**يم الغلاف وبالنسبة للنشر يومين إستراحة ويوم نشر يسئلون القصه حقيقة اقسم بالله القصه حقيقية وادعوا لصاحبة القصة وأختها يارين دعوة غريب لغريب

Free reading for new users

Scan code to download app

App Store Google Play

Facebookexpand_more