Love Is Insane

Chapter 25

Hindi ko alam kung anong problema ng lalaking iyon dahil nagplano pa talaga siyang makipag-usap ng masinsinan sa amin sa loob ng restaurant. Nasa unahan namin yung sasakyan nila, alam kong hindi naman nila basta basta papaiyakin yung anak ko dahil sa sasakyan din nila pinasakay si Keon kaya kaming dalawa lang ni Austin dito ang magkasama.

Ikakabit ko sana yung earphone bluetooth sa tenga ko para hindi maging awkward sa pagitan naming dalawa ng bigla siyang magsalita na ikinalingon ko.

"What happened that night?" tanong niya at sumulyap saglit sa akin

"Nasabi ko na diba?" mataray na sabi ko pero gulat akong napatingin sa sa kaniya ng igilid niya yung sasakyan at huminto. "Nababaliw ka na ba? Paano na natin sila masusundan?" hindi makapaniwalang tanong ko na ikina kibit-balikat lang niya