الحب الثانى

ان الحب والعشق هما سلاح ذو حدين قادر على جعل الانسان اسعد انسان وقادر ان يجعل الانسان اتعس انسان الكثير من الناس يصدقون فى الحب الأول وانه لا يوجد حب ثانى وان القلب الذى اخترقه شخص لا يقدر ان يخترقه شخص اخر سواه فهذا الكلام غير صحيح فحقا انه يوجد حب ثانى وان باامكان اى شخص ان يعشق مره اخره فالقلب يعشق من يدلله ويهتم بوجوده وحينما ترى شخص يحبك بصدق ويهتم بك ويكون شديد الحرص باانه لا يجرحك يوما فبدون ارادك تشعور ان قلبك يعشقه ويعشق وجوده وكلما كان حبه اتجاهك اصدق سيجعل قلبك وبدون ارداتك يدمنه وينبض له وحده واحيانا يكون اقوى واصدق من الحب الاول ولكن من الضرورى ان لا تلغق قلبك فى يوم بمجرد تجربه قد تكون فاشله واعطى لقلبك فرصه ثانيه ان يعشق مره اخرى واسمح لمن يحبك ان يخترق قلبك واجعل قلبك خاضعا فخضوع قلبك لايعنى ضعفك بل يعنى انك تحب بصدق وذا كان حلمك ان تخترق قلب شخص فكل ماعليك ان تحبه بصدق وكن متيقنن ان قلبك سيبعث رساله للقلب الاخر وحتما انه سياتى يوم والقلب الاخر سيتلقى الرساله وسيشعر بحبك له ( انتظرو البارت الاول من روايه الحب الثانى ) بقلم : Enas shenouda ############ فى بيت ملئ بالهدوء والسلام تستيقظ ندى وهى فتاه فى اوائل العشرينات وهى جميله جدا وجذابه للغايه وتجعل كل من يراها يعشقها وشخصيتها الجنونيه تجذب الجميع وهى تمتلك جسم متناثق للغايه وشعر بنى الون يصل اللى منتصف ظهرها وعينها تشبه زرقه السماء وبشرتها ناصعه البياض وهى متوسطت الطول وهذا يجعلها اكثر جاذبيه وهى من عائله متوسطه وعائلتها تتكون من ام وهى سعاد واب وهو عبدالحميد واخ يكبرها بثلاث اعوام وهو ياسر *******************************• ندى :«تستيقظ باابتسامه جميله وتمسك الموبيل لتجرى مكلمه » الوووووو صباح الحب والورد والياسمين «تقولها بصوت ملئ بالحماس» خالد :(وهو شاب فى نفس سن ندى ولكن شخص فاشل يعتمد على فلوس ولده ويعشق البنات ويصرف كل فلوسه على الدسكوهات وهو جذاب للغايه مما يجعل البنات يركدون اليه ويقعون فى عشقه •......صباح الخير ياروحى وحشتينى جدا جدا طول الليل وانا بفكر فيكى ندى :بجد ياحبيبى وانا كمان تعرف انى من كتر ماانا بفكر فيك بقيت كل ليله بحلم بيك بجد انا عمرى ماتعلقت بحد كده بقيت بحبك لدرجه الجنون وبحلم باليوم اللى اعيش معاك فى بيت واحد خالد :طيب مااحنا فيها انا مستنيكى النهارده فى الشقه بتاعتى • ( ندى بعصبيه ): تانى برضو احنا ماخلصناش من الموضوع دا انا لما بقولك عايزه اعيش معاك يبقى فى الحلال يعنى تيجى وتتقدملى مش اجى معاك فى الشقه بصفتى ايه انشاء الله ولا انت فكرنى زى البنات الزباله اللى انت تعرفهم خالد :خلاص ياروحى من غير تعصيب انا بس كنت بهزر معاكى وبعدين موضوع البنات دا قبل مااعرفك لكن من ساعت ماعرفتك وانا بقيت ملك لوحدك ندى :خالد هو انت فعلا مش بتكلم اى بنت غيرى ؟ خالد :طيب ودا ينفع بزمتك هو فيه بنت احلى منك فى الدنيا كلها عشان اكلمها بس ليه بتسالى انتى مش واثقه فيا ؟ ندى :لا طبعا واثقه فيك بس ريم صحبتى امبارح قالتلى على حاجه فكونت حابه اسالك مش اكتر ( خالد بعصبيه ):ريم تانى انا مش قولتلك تقطعى علاقتك بالبنت دى .دى عايزه توقع بينا ندى :على فكره ريم دى صحبتى الوحيده واكتر من اختى وماينفعش اقطع علاقتى بيها وبعدين هى عايزه توقع بينا ليه هى حست انها شافتك مع وحده فجات قالتلى ويمكن هى مركزتش قوى عادى خالد :خلاص ياروحى عشان مش عايزين نتخانق على الصبح بس بعد كده مش اى حد يقولك انه شافنى مع وحده تصدقيه ندى :حاضر ياحبيبى يالا بقى سلام عشان اروح احضر مع ماما الفطار خالد :يالا بااى ياروحى ياسر يدخل وندى تترك الموبايل ياسر : ( وهو اخو ندى ويكبرها بثلاث اعوام وهو شاب وسيم للغايه ذو بشره قمحويه وشعر اسود كاتم وعيون زرقه تشبه عيون ندى وهو شخص مرح للغايه كما انه شخص مسئول يعتمد عليه )............ كنتى بتكلميه صح؟ ندى :هو مين دا اللى كنت بكلمه ؟ ياسر :ندى متستعبطيش انتى كنتى بتكلمى خالد انا مش قادر اصدق انتى اذاى بتكلميه كده عادى وانتى عارفه انه بتاع بنات وبيلعب بيكى انا مش حذرتك مليون مره وقولتلك دا ماينفعكيش ليه مصره انى تسمحيله يلعب بيكى وبمشاعرك . ندى :اولا خالد مش بيلعب بيا وهو فعلا بيحبنى ووعدنى انه يجى يتقدملى بس بعد مايكون نفسه بنفسه ويبعد عن شغل ابوه ..وثانيا بقى خالد اتغير جدا وهو دلوقتى مايعرفش بنات غيرى بس انت اللى مش عايز تصدق انت حر ياسر :تقدرى تقوليلى خالد اللى مضيع فلوس ابوه كلها على البنات والسهر هايعتمد على نفسه اذاى وبعدين ماهو بيعتمد على فلوس ابوه فى كل حاجه اشمعنا يعنى فى الجواز عايز يكون نفسه (ثم يجلس ويمسك يديها )بصى يااختى انا مش ضدد انك تحبى بس لما تحبى ماتحبيش الشخص الغلط انا بحبك وخايف عليكى وصدقينى خالد شايفك بنت حلوه ومن الطبقه المتوسطه فقال يضحك عليها زى ماضحك على بنات كتير ...انتى غاليه جدا ماتسمحيش لوحد زى دا يرخصك ( ندى وهى تبكى ):بس انت عارف انى انا بحبه من زمان قوى وكنت بتمنى انى اكون وحده من البنات اللى بيكلمه انا كنت ببص عليه وكان كل حلمى انى يجى اليوم اللى اكلمه فيه عايزنى بعد دا كله لما يقولى بحبك امشى واسيبه خالد حب عمرى ومش هاقدر اسيبه انا هاموت من غيره (ياسر وهو يمسح دموعها ): وياخدها فى حضنه ...محدش عارف قد ايه انتى بتحبيه غيرى بس انا اخوكى وخايف عليكى ومتاكد انى هو هايجرحك ويعذبك وانا مش هاقدر اقف استنى لغايه مااشوفك بتموتى قدامى ندى :متخافش عليا وبعدين ايه ياعم انت النكد دا على الصبح اوعى ياعم كده اروح اشوف سوسو (اللى هى امها )بتعمل ايه ثم تتركه وتخرج ندى :سوسو ياسوسو انتى فين ؟ سعاد ؛انا هنا ياقلب سوسو لسه كنت هادخل اصحيكى عشان تفطرى ندى :برضو انتى اللى حضرتى الفطار ماانا قولتلك استريحى انتى وانا هاحضره "ثم تنظر لولدها وتقول "وانت ياعبدو تسيبها تدخل المطبخ عادى كده وتتعب نفسه مقدرتش تمنعها عبدالحميد :اعمل ايه يابنتى اصرت انى هى تعملى الفطار بايديها وانا ابقى ع**ط لو رفضت طلب زى دا وانتى عارفه اكل امك لا يقاوم ندى :اوبا دى الرومانسيه اشتغلت بقى طيب استنو اغمض عيونى عشان لو فيه كلام سر ولا حاجه "وتتضع ايديها على عنيها "اممم خلصتو غزل افتح عينى سعاد :فتحى ياهبله دا ماطلعش اخوكى بس هو اللى اهبل وانتى اهبل منه ياسر :طيب ليه بتجيبو فى سيرت الناس وهى مش موجوده بزمتك انا علمتك كده ياسوسو تغلطى فيا وانا مش موجود ربنا يسامحك عبد الحميد :طيب يالا انت وهى اقعد افطرو عشان ندى ماتتاخرش على كليتها وانت متتاخرش على شغلك وانا النهارده اجازه حابب استريح ندى :تستريح برضو ولا حابب تتغزل فى سوسو الله يسهلك ياعم عبدالحميد :لا ياام ل**ن طويل بس انا قولت انا كده كده قربت اطلع على المعاش فحبيت اخد اجازه عشان اتعود على قعدت البيت ياسر :الحمدلله انا شبعت سعاد :يابنى ماتقعد تفطر زى الناس دايما كده متسربع ندى :ياسر استنى البس وانزل معاك عشان انا اتاخرت على الكليه ياسر :طيب ماتتاخريش ندى : اوكى ********************* وفى منزل اخر حيث الضخامه والرقى حيث كانه قصر يعيش فيه الملك كان يجلس هناك ادم (وهو شاب فى اواخر العشرينات وهو جذاب للغايه ذو شعر طويل نسبيا وناعم يميل للون البنى وعيون عسليه ويمتلك لحيه قصيره مما تزيد من وسامته وبشره كمحويه وهو ذو عضلات ويمتلك جسم رياضى للغايه وعلى الرغم من ان ملامحه تبدو وكانه رجل قاسى على انه كان شخص لطيف للغايه وكثير المزح ولكن فى الشغل يتحول لشخص صارم وقاسى الطباع وعلى الرغم من وسامته التى تجعل فتيات كثير تقع فى حبه من النظره الاوله الا انه لم يكون لديه اى علاقه بالنساء ومعظم سهارته تكون مع اصدقائه الشباب وعلى الرغم من انه شديد الحرص فى علاقته مع النساء الا انه كان يومن بالحب كثيرا ولكنه كان يعلم ان كل الفتيات التى تريد التقرب منه فهم يطمعون فى فلوسه فهو صاحب اكبر شركه استيراد وتصدير وهل يوجد فتاه لا تحلم بمثل هذا الشاب؟! فهو ذو اموال كثيره ووسيم للغايه ولكن هو يريد فتاه تخترق قلبه من اول نظره ادم :يجلس على السفره ويقرا الجريده فى **ت وتركيز وينزل ولده وهو سراج الدين رجل ذو هيبه ووقار سراج :صباح الخير ياادم برضو كالعاده بتقرا الجريده قبلى انت مش عارف انا بحب اقرا الجريده الاول ادم ؛صباح النور يابابا وبعدين ايه حكايه تقرا الجريده الاول دى هو انت بتبقى خايف حد يقراها قبلك ويمسح خبر منها وخد ياعم اهى الجريده انا كده كده اتاخرت على الشغل "ويترك الجريده ويرتدى جاكت البدله " سراج :يابنى اقعد افطر انت يادوب شربت قهوه يعنى الشغل هايطير ماانا كنت اكبر راجل اعمال بس ماكونتش مهمل فى صحتى زى حضرتك كده ادم ؛معلش يابابا ابقى اكل فى المكتب عشان اتاخرت جدا وانت عارف انى لما المدير يتاخر عن شغله الناس اللى شغاله معاه هاتستهتر بشغل يالا باااى ويصل ادم الى الشركه ويدخل بكل هيبه وشموخ وكبرياء حيث كانو الموظفين يرتعبون بمجرد ان يروه معتز :(وهو صديق ادم المقرب وادم يعتبره اخوه وهو شاب فى نفس سن ادم وهو مرح وكثير المزح ولا يتكلم بجديه سوء فى بعض الوقات القليله وعلاقته بالموظفين تكون مليئه بالمزح وينسى احيانا انه مدير الشركه على ع** ادم طول الوقت متحمل مسؤليه الشركه ) ( معتز لى ادم ): صباح الخير يابرنس ايه الحلوه والجمال دى على الصبح انا حاسس انى انت رايح تشقط بنات مش جاى شركه (ادم بعصبيه ) :معتز انا حذرتك مليون مره انا مابحبش الكلام دا ولا الهزار فى الشغل معتز :ااه لو يشوفك الموظفين وانت برا الشركه ازاى بتبقى لطيف وبتضحك لكن اول مابتدخل الشركه كانه دخلك عفريت وبتتحول فجاه وحده ( ادم بجديه ) :عشان دى شركه ولازم المواظفين يعرفو انى مديرهم مش واحد صاحبهم زى ماحضرتك بتعمل عشان يخافو ويشتغلو بضمير معتز :انا ياعم مقدرش اعيش بشخصيتين زيك المهم سيبك انت من كله دا النهارده عندنا اجتماع مهم ولازم ن**ب الثفقه دى بااى طريقه واهو الورق بتاعها جاهز (ادم وهو يمسك الورق )ويقول بكل فخر وهو ادم سراج الدين عمره خسر ثفقه فى حياته معتز بحماس :الله عليك ياوثق انت برنس والله انت ادم :هاتفضل طول عمرك عيل وهافضل طول الوقت افكرك انى انت مدير شركه مش واحد بياع فول معتز بضحك وبحماس : ماله بتاع الفول يعنى انا امبارح اكلت حتت طبق فول "ادم وهو يقطع كلامه ايه انت هاتحكيلى قصه حياتك انت والفول اروح ادرس المشروع لغايه لما تخلص ذكرياتك انت والفول معتز :غبى كنت لسه هاقوله وانا باكل طبق الفول شوفت حتت بنت موزه بس يالا مالهش فى الطيب نصيب ثم يمشى . (كده البارت الاول خلص انتظرو البارت التانى ) وحابه اشوف رايكم ؛ 1- يا ترا خالد فعلا بيحب ندى ولا بيستغلها ؟ ( روايه الحب الثانى ) بقلم : Enas