"Umalis na kayo... hindi ko kayo kilala! Leave..." sigaw sa kanila ng binata at siya namang pagpasok ng isang babae at isang matanda. Kaagad itong lumapit sa binata at dinaluhan ito. Ganoon na lang ang gulat ni Regan nang salubongin nito ng yakap ang babaeng dumating.
"Lito, nandito na ako, may masakit na naman ba sa iyo?" anito sa binata.
"Sumasakit na naman ang ulo ko Camilla," tugon naman ni Clyde na hindi natinag at parang batang nakayapos sa bewang ng babaeng dumating. Maganda ang babae at halos kaedaran lang nila ito marahil. Balingkinitan ang morena nitong katawan at mahaba ang alon-alon nitong buhok.
Nag-iwas siya ng tingin dahil para tinutusok ng pinong karayom ang dibdib niya sa nakikitang reaksyon ni Clyde patungkol sa babaeng dumating.
"Lito? Who the hell is that Lito? A
