Kanina pa siya nakaupo sa kabilang kama nang talikuran niya ang binata dahil sa sobrang inis. Hindi rin niya mapigil ang pagkagat ng labi at pagpipigil na muling pumatak ang mga luha dahil sa ginagawang pagtawag ni Clyde sa pangalan ng babae.
“Camilla! Camilla...” paulit-ulit nitong sambit na nakakakulili na sa pandinig. Nang hindi na niya iyon matiis ay tumawag na siya ng nurse. Nang dumating naman ang mga ito ay kasama pa pati ang doktor na tumitingin sa binata.
Nang matapos nitong suriin si Clyde at bigyan muli ng pampakalma dahil nag-umpisa na naman itong magwala sa kakahanap sa babaeng iyon ay parang gusto na lang niyang umalis para hindi na niya iyon marinig.
Mas masakit pa yata ang pagbanggit at pagtawag nito sa pangalan ng ibang babae kaysa sa tagpong nasaksihan niya noon with C
