"Kumain ka na Lito. Nagdala ako ng mga paborito mo,” dinig niyang sambit ng babae kay Clyde. Tinatawag na naman nitong Lito ang binata at base sa reaksyon ni Clyde ay mukhang wala talaga itong idea at feel na feel pa nito ang makipaglambingan sa babae, sa harapan niya.
Mauubusan siya ng pagtitimpi at akmang tatalikod nang ilabas ng babae ang niluto nitong pagkain para sa binata na di-umano ay paborito raw nito. Akmang susubuan nito si Clyde nang hablutin niya iyon. Bagay na ikinagulat ng binata at ikinasama ng tingin sa kaniya ng babaeng kaharap.
“Ano bang problema mo?” mariing sikmat sa kaniya ng babae na kaagad naman niyang sinalubong din ng masamang tingin. Ang kapal ng mukhang sigawan siya.
“He can't eat it! May allergy si Clyde sa gambas... and you can't just feed him anything you
