Pabalik na si Regan sa silid ni Clyde nang matanaw niya ang mabilis na pagpasok ng doktor at dalawang nurse patungo sa mismong silid kung saan siya patungo. Kaagad siyang sinakmal ng kakaibang kaba at mabilis din na napatakbo. Inabutan niyang nagkakagulo sa loob at akmang bubuhatin ang binata at inililipat sa stretcher.
“What happened to him, Doc?” kaagad niyang tanong.
“Hindi pa namin alam sa ngayon, Misis... inabutan na lang siya ng nurse na nag-rounds dito na nagsusuka. He also had trouble breathing,” saad sa kaniya ng doktor habang itinutulak ng mga ito ang hinihigaan ng binata.
“s**t!” Nilayasan niya ang doktor at mabilis na bumalik sa loob. Napapikit na lang siya nang makita na nakabukas ang plastic ware na kinalalagyan ng Gambas.
Hindi nga siya nagkamali ng hinala. Talagang kin
