Nagmulat siya ng mga mata. Pamilyar pa rin naman sa paningin niya ang silid na kinalalagyan. Ang kaibahan lang ay mukha siyang pasyenteng nakahiga nang sumalubong sa paningin niya ang puting kisame. Kaagad na inilibot niya ang paningin at hindi nga siya nagkamali dahil sa kaliwang banda niya ay naroon ang kama na hinihigaan ni Clyde. Wala pa rin itong malay.
Akmang babangon siya nang daluhan siya ng magkasintahan.
“Pretty... huwag ka munang gumalaw!” mabilis na sabi ni Chris sa kaniya. Si Cenna naman ay umalalay sa kaniya at tinulungan siyang makaupo.
“I'm fine, Chris. Ano ba'ng nangyari?” wala sa sariling tanong niya. Wala rin siyang masyadong matandaan maliban sa nahilo siya bigla dahil sa pag-iyak. Alam niyang naging emosyonal na naman siya dahil sa simpleng salita. Pilipilit naman n
