"There!" saad ng binata habang nakaluhod sa harapan niya matapos linisin at lapatan ng first aid ang nabubog niyang paa. Pinagmamasdan niya ito habang abala sa ginagawa. Ngunit napansin din niya ang pag-iwas nito. Hindi niya maintindihan kung ano ang problema ni Clyde at tila mas malamig pa sa yelo ang pakikitungo nito sa kaniya ngayon. Alam niya na kasalanan din niya ang lahat dahil sinabi niya rito na ayaw niya itong makasama pero seryoso ba ito na hindi siya kausapin gayong dadalawa lang sila rito sa gitna ng dagat.
"Thank you," mahinang saad niya. Mabilis naman na tumayo ang binata at tumalikod. Naglakad ito papunta sa banyo at ibinalik ang ginamit nito na first aid kit.
"Magpahinga ka na at huwag ka na munang magkikilos," bilin nito sa kaniya habang naglalakad ito palabas.
Nasa
