Muntik na niyang makalimutang huminga. Ang puso niya ay parang nagkabuhol-buhol sa malakas na pagtibok. Hindi niya maalala ang babae at ang relasyon niya rito. Pero ang marinig mula sa bibig nito na angkinin siya bilang pag-aari nito ay nagparamdam sa kaniya ng hindi maipaliwanag na saya, pagmamalaki sa sarili at init. Sino ba naman ang hindi magiging proud kung sabihin ng isang magandang babae na sa kaniya ka lang, na pag-aari ka niya.
Niyakap siya nito nang mahigpit pagkatapos siyang halikan. Hinayaan lang niya iyon hanggang sa muli itong makatulog. Hinayaan niya ito sa ganoong posisyon na parang naglalambingan. Hindi niya alam kung bakit palagay na palagay siya sa posisyon nila na iyon, o siguro marahil ay ganoon na sila noon pa. Hinaplos ang puso niya ng kung ano. Pinakiramdaman niya
