Nakatitig lang si Clyde sa tulog pa ring dalaga. Umalis na ang magkasintahan at naiwan lang sila ng asawa niyang himbing dahil sa sleepng tablets na nilaklak nito. Ilang oras na itong tulog, mag-uumaga na rin at maliwanag na nang kaunti sa labas.
Kinakain siya ng matinding guilt. Lahat ng sinabi ni Chris kanina ay tila bumaon sa dibdib niya. Lalo na nang sabihin nito na isasama na lang nila ang babae kung masasaktan lang ito sa tabi niya. Na hihintayin na lang nila na bumalik ang alaala niya pero sana raw ay hindi pa huli ang lahat. Bigla siyang nakaramdam ng takot, takot na baka pagsisihan nga niya ang mga nangyayari ngayon, ang mga nagagawa niya dahil wala siyang maalala.
Nakatitig siyang matiim sa mukha ng babae nang dumako ang mga mata niya sa labi nito. Kanina pa siya napapatitig d
