Kagaya ng sabi ni Clyde na kapag nagliwanag ay uuwi na sila, ay nagpa-discharge na nga rin siya para sa bahay na lang siya magpahinga. Ayaw rin naman niya ang mamalagi sa ospital dahil wala naman siyang sakit. May mga pasa lang siya na konte sa binti at braso na siguro ay nabugbog sa pagbagsak niya nang nawalan siya ng malay, but the rest is fine.
“Dahan-dahan!” bilin sa kaniya nito nang pababa siya sa sasakyan. Nakaalalay ito na parang alalang-alala na mapano s'ya.
“I'm fine, ano ka ba? Kaya kong bumaba mag-isa Clyde. Isa pa wala naman akong sakit, you don't have to do this.”
“Okay lang... gusto ko naman itong ginagawa ko. Saka isa pa para na rin makabawi,” tugon nito.
Nag-uumpisa na siyang makaramdam ng kakaiba.
“May kasalanan ka ba sa'kin?” bigla na lang niyang naisip itanong. Gano
