LORIE LOVE
Umalis talaga ako dahil wala na akong balak na manatili pa dito sa kanya. Pagkakataon ko na sana ito pero ganun talaga ang buhay. Hindi ko naman puwedeng ipilit ang hindi talaga puwede. Ang mahalaga ay nakalayas na ako. Wala akong dinala sa mga binigay niya sa akin. Ang akin lang ay iyon lang ang dinala ko.
Ayaw ko rin naman na may sabihin siya sa akin tulad ng gold digger ako. Malandi na nga ang tingin sa akin kaya ayaw ko naman na magmukha pa akong pera sa mga mata niya.
Ang problema ko na lang ngayon ay kung paano ko ba ibabalik ang mga phone na binigay niya sa pamilya ko. Hindi ko naman kasi hiningi ‘yon pero kasi naman malaking halaga ‘yon ay hindi ko naman agad mababayaran. Wala naman akong pera kaya siguro babayaran ko na lang kapag nakahanap na ako ng bagong trabaho
