The Human Emperor System

Ek vishal ground mein saikdo bacche line mein poori tarah shaant khade the. Mahool mein ek ajeeb si utsukta aur tanav ghula hua tha, kyunki aaj Marshal Soul Awakening Ceremony ki shuruat hone ja rahi thi. Manch par maujood headmaster ne jaise hi mic sambhala, poore ground mein sannata cha gaya. Sabhi ki nigaahe manch par tiki thin. Bheed mein khadi Liu Ruyan bahut pareshan dikh rahi thi, uske mann mein bas yahi dar sata raha tha ki kya woh is imtihaan mein pass ho payegi aur kya woh kabhi cultivate kar bhi payegi ya nahi. Theek uske paas khada Li Tian bilkul shaant tha, uske chehre par koi shikan nahi thi, mano use in sab baaton se koi fark hi na padta ho. ​Tabhi achanak ground mein afratafri mach jaati hai. Mu Qiang apne ek sathi ke sath rob jhadte hue bheed ko cheerata hua aage badhta hai aur sabko raste se hatne ka hukm deta hai. Uske chehre par ek ghamandi muskaan thi aur uski chaal bata rahi thi ki woh khud ko is poori peedhi ka raja samajh raha tha. Woh seedha Ruyan aur Tian ki taraf badhta hai. Mu Qiang seedha Li Tian ke samne aakar rukta hai aur taana maarte hue muskura kar kehta hai, "Dekhe toh kaun hai yeh... shuruati test ka top scorer!" Uski aawaz mein upahaas aur ahankar saaf jhalakta tha, lekin Li Tian ne uski taraf dekha tak nahi, jisase Mu Qiang ka gussa aur badh gaya. ​Iske baad, Mu Qiang apni taakat dikhane ke liye aage badhta hai. Woh jaakar Awakening Stone ke bilkul samne khada hota hai aur jaise hi woh us jaadui patthar ko chuuta hai, usme se ek chamkeeli sunhari roshni foot padti hai. Yeh nazara dekhkar manch par maujood headmaster ki aankhen fati ki fati reh jaati hain aur woh khushi v hairani se chilla uthte hain, "Yeh... yeh toh S-Grade marshal soul hai!" Mu Qiang ke piche hawa mein ek vishal sunehre yoddha ki parchhai prakat hoti hai, jise dekhkar uska ghamand aasmaan chune lagta hai. Ground mein maujood sabhi chatr uski taarif karne lagte hain. ​Iske baad Liu Ruyan ki baari aati hai. Woh ghabrate hue kaampte kadmo se seedhiyan chadhkar manch ki taraf badhne lagti hai. Dusri taraf, Mu Qiang apni jeet ke nashe mein akad ke sath niche utar raha tha aur raste mein Ruyan ke paas rukkar use taana maarta hai tatha apne sath judne aur apni girlfriend banne ka dabaav dalta hai. Ruyan ka dil seham jata hai, lekin woh kisi tarah nazrein ferkar aage badh jaati hai. ​Sabke taano aur aaspas ki halchal ko poori tarah nazarandaz karte hue Li Tian bahut shaant kadmo se seedhiyan chadhta hai. Woh bina kisi dar ke seedhe Awakening Stone ke samne jakar rukta hai aur apna haath dheere se uski thandi satah par rakh deta hai. Agle hi pal, patthar ke andar ka jaadui chakra ek teevr sunhari roshni se chamak uthta hai. Lekin woh roshni sirf sunhari