KULAS
“HIMALA yatang nagkaoras ka sa amin ngayon, pre,” may himig pagtatampong sabi ni Isko sa akin.
Nasa bahay nila kami ngayon at doon nagpasyang magkita-kita. Doon kami naghapunan at ang ending ay inuman na naman.
“Oo nga. Nakakatampo naman. May love life lang, lagi ng absent,” sabad naman ni Ason.
“Grabe sila. Para isang beses lang naman akong hindi nakapunta kasi kailangan ng kasama ni Georgina noong nakaraang linggo nang mag-imbita kayo. Wala na pong patawad, Ma'am, Sir?” rason ko.
“Naku… Talo talaga ang mga kaibigan kapag love life na ang pinag-uusapan,” muling komento ni Isko.
“Hoy, ano ba kayong dalawa? Tigilan niyo nga si Kulas. Minsan lang magkajowa ‘yang tao tsaka mukhang pang-poreber na, gaganyanin niyo pa? Hindi naman siya pareho sa inyong dalawa na walang siniseryoson
