Isa isa niyang inilabas sa plastic bag ang mga pinamili nila at inayos niya ang mga iyon sa loob ng refrigerator. Si Dylan naman ay abala sa pag-aayos ng mga sangkap para sa imamarinate nitong karne.
Habang nagluluto si Dylan ay manak-naka itong tumitingin sa gawi niya at sabay ngingiti ito na para bang punong puno ng saya ang kanilang paligid.
Napuno ng halakhakan ang kanilang condo habang abala silang kumakain. First time ito na nangyari, simula ng tumira silang dalawa sa unit na iyon. Dati rati kasi ay para silang estranghero na nasa isang mesa kumakain. Ni ha ni ho ay hindi man lang sila nag-uusap. At kung mag-usap man sila ay related naman sa trabaho. Ngayon ay para silang mga bata na nagkukuwento ng mga kalokohan nilang ginawa. Napakasaya sa pakiramd
