Hanggang pag-uwe nila ay hindi pa rin siya kinakausap ni Dylan. Manaka-naka ay nakikita niyang nakatitig ito sa labas ng bintana at may parang iniisip. Pagkatapos ay magtetext ito o tatawag sa isang tao at saka siya titingnan saglit. At magtitinginan lang sila saglit sabay tingin niya sa ibang direksyon dahil hindi niya kayang tagalan ang mga titig nito sa kanya. At Nanatili naman itong tahimik at walang kibo sa tabi niya.
Wala naman siyang magagawa kung ayaw siya nitong kausapin kaya hinayaan na lang niya itong tahimik sa biyahe, total ay wala rin naman siyang dapat na sabihin dito. Ang mahalaga ay ginagawa niya ng tama ang kanyang trabaho. Iyon naman ang pinaka priority niya kung bakit pumayag siyang makatrabaho ito gaya ng utos sa kanya ni Don Agosto.
