ARAW ng sabado at tulad ng routine ni Louisa, maaga siyang gumising. Naglinis at nagluto na siya ng makakain bago pinuntahan sa silid ng mga ito ang alaga niya.
“Yohan.” Tinapik niya sa braso ang bata saka lumipat sa kabilang kama para gisingin naman si Cayla.
“Yaya.” Inaantok na ungol ni Cayla na yumakap sa beywang ni Louisa nang maupo siya sa tabi nito. “I want to sleep pa.”
“Mamaya na lang kayo ulit matulog. Kailangan niyo nang kumain bago ako pumasok sa school.”
Dumilat si Cayla, isinubsob pa ang mukha sa tiyan. “Who will look after us? Aalis si Daddy.”
Kumunot ang noo ni Louisa. Oo nga pala nabanggit ng among lalaki sa kaniya na aattend-and itong event mamayang hapon at kailangan na nasa hotel na ito after lunch.
“Naku, oo nga ‘no? Pa’no nga kaya ‘yon?” Hindi naman siya pwede
