“Pssst!”
Mula sa pagdidilig ng mga halaman sa harapan ng mansion, napalingon si Louisa nang may sumitsit sa kaniya. Nakita niyang papalapit si Angge na hawak ang tali ng kasamang aso at bitbit na paperbags.
“Bakit?” Nagtatakang tanong niya.
“Dumating na yung mga in-order natin online!” Excited na tili nito.
Namilog naman ang mga mata ni Louisa at pahablot pang kinuha rito ang inaabot na paperbags. Sinilip niya ‘yon at nakitang maayos na nakapack ang lotion at sabon na ipinabili niya rito.
“Gamitin mo na agad-agad ‘yan, ah! Para malaman natin kung epektibo ba! Nabasa ko sa mga reviews, maganda raw na ibabad muna ang sabon ng limang minuto bago mo banlawan.”
“Sige, sige.” Sunod-sunod na pagtango ni Louisa.
“O siya, uuwi na ako. Dinaan ko lang talaga ‘yan sa’yo.” Paalam nito na n
