SIMPLENG pasulyap-sulyap si Louisa na kasalukuyang nasa kusina at naghahanda ng makakain sa magkapatid na nakaupo naman sa couch sa salas at naglalaro ng PS5.
Kanina pa walang imik ang dalawa hanggang sa makaakyat sila rito sa unit ni Ace. Hindi naman niya magawang magtanong. Pa'no ang seryoso ng mga itsura nila.
Ano kayang nangyari? May problema kaya sa mansion?
Ibinalik niya ang atensyon sa nilulutong chicken curry. Nang matapos siya roon, naghain na sa lamesa si Louisa at tinungo sa salas ang magkapatid.
"Gutom na kayo?"
Sabay na nag-angat ng tingin ang dalawa at tumitig sa kaniya.
Bakit naman nakakailang tumingin ang mga 'to?
"Nakaluto na ako at nakahain sa dining area. Kumain na kayo roon."
Nauna nang tumayo si Ace at nagtungo sa dining area. Sumunod rin si Andrei na bumal
