“HOY! Sandali!” Pagpupumiglas ni Louisa.
Pero patuloy pa rin siyang hinatak ni Patring at Angge papasok sa loob ng gate ng isang malaking bahay.
“Ang ingay mo, Dzai! Kapag nagising si Mrs. Del Valle, imbes na libag ang kuskusin ko sa ‘yo, uunahin ko ‘yang mga kurikong mo sa mukha.” Pananakot ni Angge.
Mrs. Del Valle? Sa pagkakatanda niya ‘yon ang pangalan ng matandang mayaman na inaalagaan ni Patring.
Nilingon ni Louisa ang kaibigan. “Anong ginagawa natin dito?”
“Paulit-ulit, teh?” Tugon nito. “Make over nga!”
Nalukot ang mukha niya. “Bakit ba kasi kayo naniwala sa sinabi ko. Biro lang ‘yon! Ano ba ‘yan! Hindi ko naman talagang intensyon na magpaganda!”
Dahil imposibleng mangyari ‘yon. Hindi naman magic na pag-gising niya kasing ganda na siya ni Samantha. Syempre, kailangan niyan
