“ANO pang tinatayo-tayo mo diyan?” Nakataas ang kilay na baling ni Ace kay Louisa. “Kuhanin mo na mga gamit nila at dalhin sa guest room.”
Pagkasabi no’n ay tinalikuran na siya nito at nilampasan.
Lumingon naman kay Louisa ang magandang babaeng humalik kay Ace at ibinigay sa kaniya ang hila-hilang kulay pink na maleta.
“Here, take this,” utos nitong kumapit ulit sa braso ni Ace. Ngumuso pa habang nakatingala sa binata. “Hindi kita naabutan kahapon sa university. I missed you so much!”
Naiwang tulala at nakasunod ang tingin ni Louisa sa dalawa at sa mga bisita. Daig pa niya ang pinagsasampal sa magkabilang pisngi sa kirot na naramdaman sa dibdib.
Pa’no ito nagawa ni Ace sa kaniya?!
“Hoy, Girl!” Hindi pa matatauhan si Louisa kung hindi lumabas si Duday sa kusina at hampasin ang bras
