UNANG beses ‘yon na tinawag siya ni Ace sa pangalan niya kaya natigilan si Louisa na papasakay na sana sa elevator. Hindi niya rin akalain na susundan siya nito kaya hinayaan niya ang sariling umiyak nang makalabas ng unit.
Sandali, ano bang ginagawa ng lalaking ‘to rito?
Sumisinghot na pinunasan ni Louisa ang pisngi saka nagbaba ng tingin. “Anong kailangan mo sa akin?”
“I didn’t mean to say those words to you.”
“Hindi mo sinasadya? Pero paulit-ulit mo akong pinagbibintangan ng bagay na hindi ko naman ginawa? Bakit? Dahil ba, panget ako? Kaya kung tapak-tapakab niyo ‘yong pagkatao ganoon na lang?” Sunod-sunod na umiling si Louisa. “Uuwi na lang. Nakakapagod na rin na makarinig ng hindi magagandang salita.”
Tinalikuran niya ito. Ngunit hindi pa niya naihahakbang ang mga paa nang hawak
