“HOY! Issay!”
Napakurap si Louisa nang pumalakpak sa pagmumukha niya ang kamay ni Angge.
Kasalukuyang nandito sila sa kanto at hinihintay ang pagdating ni Patring. Balak ng tatlo na pumunta ng mall. Pinayagan na kasi si Louisa ng amo niyang lalaki na mag-day off. At plano na rin nga niyang bumili ng cell phone.
“Bakit?”
“Anong bakit? Nasa ibang planeta ‘yang isip mo! Kanina pa ako nagsasalita rito, ah!” Reklamo ng dalaga sa kaniya.
Pa’nong hindi mapupunta sa ibang kalawakan ang katinuan niya, ilang araw nang hindi maalis sa isip niya si Ace. Paulit-ulit na nag-rereplay sa utak niya ang eksena noong iabot nito ang jacket sa kaniya.
Hindi na naman napigilang unti-unting sumilay ang ngiti sa labi niya. Sa katunayan niyan ay hindi pa niya naibabalik ang jacket ng binata kahit lumipa
